Qazaqstanda er men áıel arasyndaǵy jalaqy aıyrmashylyǵy kóp elderden joǵary

ASTANA. KAZINFORM – Ekonomıkalyq yntymaqtastyq jáne damý uıymy (EYDU) erler men áıelder jalaqysynyń eń tómengi aıyrmashylyǵy saqtalatyn 10 eldi atady. Qazaqstannyń kórsetkishteri EYDU elderine qaraǵanda áldeqaıda joǵary.

Osylaısha 2022 jyldyń qorytyndysynda erler men áıelderdiń eń tómengi jalaqy aıyrmashylyǵy boıynsha Norvegııa, Belgııa jáne Kosta-Rıka kósh bastap tur.

10 eldiń tolyq tizimi:

* Norvegııa (aıyrmashylyq 0,4%);
* Belgııa (1,1%);
* Kosta-Rıka (1,4%);
* Kolýmbııa (1,9%);
* Irlandııa (2%);
* Horvatııa (3,2%);
* Italııa (3,3%);
* Norvegııa (4,5%);
* Danııa (5,8%);
* Portýgalııa (6,1%).

EYDU elderi boıynsha ortasha kórsetkish 11,6% quraǵan.

Ulttyq statıstıka bıýrosynyń málimetinshe, 2022 jyly Qazaqstanda erler men áıelderdiń jalaqysyndaǵy aıyrmashylyq 25,2% deıin jetken.

Erlerdiń ortasha aılyǵy — 355 296 teńge, áıelderde — 265 762 teńge bolǵan. 

Ásirese, jalaqynyń eń úlken aıyrmashylyǵy Mańǵystaý (50%), Atyraý (46,2%) jáne Ulytaý (40,5%) oblystarynda baıqalady.

Barlyq úsh aımaqta er adamdar kóbirek aqsha tabady. 

Alaıda, áıelderdiń ortasha jalaqysy 3,1%-ǵa joǵary bir aımaq bar.

Bul — Jetisý oblysy.

Onda áıelderdiń aı saıynǵy jalaqysy — 232 907 teńge, erlerde — 225 983 teńge.