Qazaqstanda er balalar kóbirek týdy - QR Statıstıka agenttigi
ASTANA. 3 shilde. QazAqparat - 2012 jyly Qazaqstan Respýblıkasynda AHAT organdarymen 381 005 týǵandar tirkeldi, sonyń ishinde qalalyq mekenderde - 206 198 adam, aýyldyq - 174 807 adam. Týylǵan er balalardyń sany 195 570 adamdy (51,3%), qyz balalar - 185 435 adamdy (48,7%), sondaı-aq týǵan kezdegi jynystardyń araqatynasy 100 qyz balaǵa shaqqanda 105,5 er balany qurady. Bul týraly búgin QR Statıstıka agenttiginen habarlandy.
- 2002 jylmen salystyrǵanda týǵandar sany 67,7%-ǵa (er balalar - 68,5%-ǵa, qyz balalar - 66,9%-ǵa), qalalyq mekenderde - 68,5%-ǵa, aýyldyq - 66,8%-ǵa artty.
- Ótken jyly 1 000 turǵynǵa shaqqandaǵy týǵandardyń jalpy koeffıtsıenti 22,69 týǵandardy qurady jáne 2002 jylmen salystyrǵanda 7,4 promıllege artty (2002j. - 15,29). Qalalyq jerlerde osy kórsetkish 22,41 (2002j. - 14,49), aýyldyq mekenderde - 23,03-ti (2002j. - 16,34) qurady.
- Qazaqstan óńirleri boıynsha 1 000 turǵynǵa shaqqandaǵy týýdyń eń joǵary deńgeıi Manǵystaý - 30,49, Ońtústik Qazaqstan - 30,23, Atyraý - 28,37 jáne Qyzylorda - 28,10 oblystarynda belgilendi. Eń tómengi kórsetkish Qostanaı - 14,93, Shyǵys Qazaqstan - 16,67 jáne Pavlodar - 17,19 - oblystarynda baıqaldy.
- Byltyr týǵandaǵy áıeldiń orta jasy 28,2 jas shamasynda boldy, sondaı-aq 2002 jylmen salystyrǵanda 1,1 jasqa (2002j. - 27,1 jas), qalalyq mekenderde - 1,3 jasqa (2002j. - 27,1), aýyldyq mekenderde 0,6 jasqa (2002j. - 27,2 jas) ulǵaıdy.
- Qazaqstannyń birneshe óńirlerinde týǵandaǵy áıeldiń orta jasy ortasha respýblıkalyq deńgeıden joǵary boldy. Mysaly, kórsetkish Almaty qalasynda 29,8 jasty, Astana qalasynda 29,0, Aqtóbe oblysynda 28,7 jasty qurady.
