Qazaqstanda er azamattardyń 16 paıyzy bedeýlikke shaldyqqan - Ulttyq ýrologııa ortalyǵynyń basshysy
ASTANA. QazAqparat - Qazaqstanda er azamattardyń 16 paıyzy bedeýliktiń túrli formalarynan japa shegip otyr. Bul týraly B.Jarbosynov atyndaǵy Ulttyq ýrologııa ortalyǵynyń jetekshisi, medıtsına ǵylymdarynyń doktory, professor Myrzakárim Alshynbaev málim etken bolatyn.
«Byltyrdyń ózinde erler densaýlyǵy ortalyǵyna 80 myń er azamat kelgen. Ókinishke oraı, 16 paıyz er kisilerdiń bedýligi tirkelip otyr Qazaqstanda. Tipti, onyń tómendeýi de baıqalmaıdy. Negizi, ahýaldyń ýshyqqandyǵyn bildiretin meje - 15 paıyz», - deıdi M.Alshynbaev TMD elderi ýrologtarynyń birinshi sezinde.
Professordyń aıtýyna qaraǵanda, TMD elderi ishinde Qazaqstan alǵashqy bolyp, endokrınologııany, kardıologııany jáne dermatovenerologııany biriktiretin Erler densaýlyǵy ortalyǵyn ashqan.
«Bıyldan bastap, biz balalar ýrologııasyn engizdik. Bul biregeı joba, ol álemdik praktıkada joq nárse. Degenmen, ókinishi sol, qarjylandyrý tek jergilikti bıýdjetten túsedi. Prezıdent Ákimshiligimen, mınıstrlikpen, Úkimetpen ortalyqty respýblıkalyq bıýdjetten qarjylandyrý boıynsha kelissózder júrgizildi. Alaıda qarjy tek jergilikti bıýdjetterden túsip otyr», - dedi ol.
