Qazaqstanda epılepsııaǵa operatsııalar jasalýda - Serik Aqsholaqov
ASTANA. 29 qarasha. QazAqparat - Byltyrdan bastap Qazaqstanda epılepsııaǵa (qoıanshyq aýrýy) operatsııalar jasalýda. Bul týraly búgin Astanada ótken baspasóz máslıhatynda Respýblıkalyq neırohırýrgııa ǵylymı ortalyǵynyń bas dırektory Serik Aqsholaqov málim etti.
«Búginde álemdegi úlken ortalyqtarda epılepsııaǵa operatsııalar jasalady. Biz byltyrdan bastap sheteldik neırohırýrgtarmen birigip, tájirıbe almasyp, búginde elimizde ota jasalǵan on adam bar. Olardyń barlyǵynyń ahýaly qazirgi kezde jaqsy»,-dedi ol.
«Qazirgi kezde qarqyndy túrde jappaı epılepsııaǵa operatsııa jasaı alamyz dep aıta almaımyn. 100 adamnan biz tek qana 10 adamdy tańdap aldyq. Óıtkeni, qalǵan toqsan adamǵa ota kómektespeıdi. Sondyqtan bul baǵytty ary qaraı damytamyz degen oıdamyn»,-dedi bas dırektor.
Onyń sózine qaraǵanda, Qazaqstan jaǵy shetelmen atalǵan talma aýrýyn emdeý boıynsha tájirıbe almasý sharalary júrýde.
«Atap aıtqanda atalǵan 10 operatsııa degen az. Biraq epılepsııa aýrýynyń otasynan góri, ony týra dıagnozyn qoıyp, operatsııa kerek bolatyn jaǵdaılardy anyqtaý óte qajettilik etedi»,-dep túıdi S. Aqsholaqov.
