Qazaqstanda epıdemııa sharyqtaý shegine jetken joq – DSM
«Keıingi tórt kúnde koronavırýs juqtyrýdyń jańa jaǵdaılarynyń báseńdegenin baıqaımyz. Áıtse de Qazaqstanda epıdemııa sharyqtaý shegine jetpegenin aıta ketý kerek. Karantın sharalarynyń arqasynda Nur-Sultan men Almaty qalalarynda vırýsty juqtyrǵandar sany toqtap qaldy. Biraq basqa óńirlerde epıdemııanyń beleń alyp bara jatqany baıqalady. Shamamen Qazaqstanda epıdemııanyń shyrqaý shegi – bir-eki aptanyń ishinde bolady degen boljam jasalyp otyr», - dedi Botagóz Jaqselekova onlaın rejımde OKQ-da ótken baspasóz máslıhatynda.
Onyń aıtýynsha koronavırýsty anyqtaý boıynsha adamdar toby da belgilengenin atap ótti.
«Olar - keıingi eki aıda sýyq tıip, aýyrǵan adamdar. Test olarda koronavırýstyń bar-joǵyn anyqtap beredi. Biraq qazirgi ýaqytta koronavırýspen aýyratyn adamdarǵa ekspres-testterdiń belgili bir dárejede zııan ekenin aıta ketý kerek. Eger adamnyń aǵzasynda antıdene bolmasa test ony kórsetedi», - dedi ol.