Qazaqstanda epıdemıologııalyq jaǵdaı turaqty - QR DSM
ASTANA. 3 maýsym. QazAqparat - Qazaqstanda epıdemıologııalyq jaǵdaı turaqty. Bul týraly QR Densaýlyq saqtaý mınıstrliginen habarlady.
Aǵymdaǵy jyly respýblıkada halyqtyń tyrysqaqpen, paratıfpen, obamen, týlıaremııamen, kúıdirgimen, dıfterııamen, sirespemen, polıomıelıtpen, kene entsefalıtimen, bezgekpen syrqattaný jaǵdaıy tirkelgen joq. 2010 jyldyń sáıkes kezeńimen salystyrǵanda salmonellezben syrqattaný kórsetkishi 36,6 paıyzǵa, jiti vırýstyq gepatıttermen - 30,0, onyń ishinde A vırýstyq gepatıtimen - 29,6, V vırýstyq gepatıtimen - 32,6, pedıkýlezben -28,5, rotavırýstyq ınfektsııalarmen - 27,1, saryp aýrýmen - 17,4, tynys alý organdarynyń týberkýlezimen - 14,3, jiti ishek ınfektsııalarymen - 17,4 paıyzǵa jáne botýlızmmen - 9,4 esege tómendegeni baıqalady.
Respýblıkanyń endemııalyq óńirlerinde júrgizilgen profılaktıkalyq is-sharalardyń nátıjesinde aǵymdaǵy jyly halyqtyń Kongo-qyrym qandy bezgegine shaldyǵýy ótken jyldyń sáıkes kezeńimen salystyrǵanda 3,6 esege tómendedi.
Aǵymdaǵy jyldyń 3 maýsymyndaǵy jaǵdaı boıynsha respýblıkada Jambyl, Qyzylorda jáne Ońtústik Qazaqstan oblystarynda bir-bir jaǵdaıdan KQQB aýrýynyń zerthanalyq rastalǵan jaǵdaıy tirkeldi (2010 jyldyń sáıkes kezeńinde KQQB aýrýynyń zerthanalyq rastalǵan 11 jaǵdaıy tirkeldi).
Onymen birge, qazirgi kezde Ońtústik Qazaqstan (1 jaǵdaı) jáne Qyzylorda oblystarynda (2 jaǵdaı) KQQB dertine shaldyǵý kúdigimen 3 adam tirkeldi. Barlyq naýqastar statsıonarǵa emdeýge jatqyzylyp, tıisti em qabyldaýda, zerthanalyq zertteýler júrgizilip jatyr.
Mınıstrlik dene qyzýy kóterilip, denege bórtpe shyqsa, murynnan, qyzyl ıekten qan aqsa, jalpy álsizdikke baılanysty aýrýlardyń birinshi belgileri paıda bola bastaǵanda medıtsınalyq kómekke ýaqtyly júginýge keńes beredi.
