Qazaqstanda epıdemıologııalyq jaǵdaı turaqty - QR Densaýlyq saqtaý mınıstrligi
ASTANA. 11 qazan. QazAqparat - Elimizde aǵymdaǵy jyldyń 9 aıy ishinde sanıtarııalyq-epıdemıologııalyq jaǵdaıdy turaqtandyrý jáne ınfektsııalyq aýrýlarmen syrqattanýshylyqty azaıtý baǵytynda eleýli jumys júrgizildi. Qazir respýblıkada epıdemıologııalyq jaǵdaı turaqty.
Bul týraly QR Densaýlyq saqtaý mınıstrliginiń baspasóz qyzmeti habarlady.
Nátıjesinde turǵyndardyń obamen, tyrysqaqpen, kúıdirgimen, paratıfpen, dıfterııamen, polıomıelıtpen, sirespemen, bezgekpen syrqattanýshylyq jaǵdaılary tirkelgen joq.
2011 jyldyń osyǵan uqsas kezeńimen salystyrǵanda 30 nozologııalyq túr boıynsha tómendeý úndisi baıqalady, onyń ishinde qyzamyq 3,0 esege, qyzylsha 47,9%-ǵa, jiti vırýstyq gepatıtter 37,1%-ǵa, onyń ishinde: A gepatıti 37,8%-ǵa, S gepatıti 36,1%-ǵa, V gepatıti 31,6%-ǵa, kókjótel 26,5%-ǵa, qyshyma 29,3%-ǵa, menıngokokk ınfektsııasy 25,5%-ǵa, saryp aýrýy 17,9%-ǵa, jiti ishek ınfektsııasynyń taıaqshalary 2,7%-ǵa, tynys alý músheleriniń týberkýlezi 6,2%-ǵa, ehınokokkoz 6,2%-ǵa, rotavırýstyq enterıt 3,5%-ǵa, salmonellez 2,9%-ǵa tómendedi.
