Qazaqstanda epıdemıologııalyq jaǵdaı birtindep turaqtanyp keledi
«Pandemııa bastalǵannan beri álemde koronavırýs ınfektsııasynyń 220 mln-nan astam jaǵdaıy tirkeldi, ókinishke oraı 4,5 mln-nan astam adam qaza boldy. Qazaqstanda, 8 qyrkúıekte koronavırýstyń oń nátıjesimen 824 myńnan astam jáne koronavırýstyń teris nátıjesimen 71 myńnan astam jaǵdaıy tirkeldi. KVI-men aýyratyn naýqastardyń shamamen 88 paıyzy, onyń ishinde KVI-ge oń nátıjemen 734 myńnan astam naýqas jáne KVI-ge teris nátıjemen 59 myńnan astam naýqas saýyǵyp shyqty», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, epıdemıologııalyq jaǵdaı matrıtsasyna sáıkes, Qazaqstan Respýblıkasy jáne eldiń 12 óńiri «qyzyl» aımaqta ornalasqan. Sońǵy aptada «sary» aımaqqa 4 oblys aýysty. Bul – Shyǵys Qazaqstan, Jambyl, Soltústik Qazaqstan jáne Qyzylorda oblystary. «Jasyl» aımaqta Túrkistan oblysy tur.
«Sońǵy 2 aptada Qazaqstanda epıdemıologııalyq jaǵdaıdyń birtindep turaqtanýy baıqalady. Tamyz aıymen salystyrǵanda syrqattaný deńgeıi 1,4 ese tómendedi», - dedi Marat Shoranov.