Qazaqstanda energııa jınaqtaǵyshtar týraly zertteý júrgizilýde
NUR-SULTAN. QazAqparat – Qoldanystaǵy jańartylatyn energııa kózderi (JEK) nysandaryn tarta otyryp, boljaý sapasyn arttyrý jónindegi pılottyq joba aıaqtalý satysynda.
Bul týraly «KEGOC» AQ basqarma tóraǵasy Baqytjan Qajıev málim etti, dep habarlaıdy QazAqparat tilshisi.
«Bıyl «KEGOC» AQ elektr energııasyn jınaqtaǵyshtar boıynsha zertteýler júrgizedi. Zertteý nátıjeleri boıynsha ekonomıkalyq, tehnıkalyq jáne geografııalyq faktorlardy eskere otyryp, energııa júıesinde dıskilerdi ornalastyrýdyń ońtaıly modelin anyqtaý múmkindigi paıda bolady. Jınaqtaǵyshtardy qoldaný - JEK generatsııasynyń aýytqýlaryn óteýdi qamtamasyz etýge múmkindik beredi. Qýat teńgeriminde, ásirese keshki júkteme maksımýmy saǵattarynda qosymsha retteý qýatyn qamtamasyz etedi», - dep túsindirdi B. Qajıev Úkimet otyrysynda.
Onyń aıtýynsha, «KEGOC» AQ JEK ıntegratsııasyn modeldeý boıynsha birqatar zertteý júrgizdi. Modelge salynýy josparlanǵan JEK-ti qosa otyryp, Power Factory baǵdarlamalyq kesheninde Qazaqstan Biryńǵaı energetıka júıesiniń (BEJ) matematıkalyq modeli quryldy. Bul JEK-tiń jelilerdiń ótkizý qabiletine yqpal etýin zertteýge múmkindik berdi. PLEXOS baǵdarlamalyq kesheninde energııa júıesiniń manevrlik rezervterdegi qajettilikteriniń úlgisi jasalǵan, sonymen qatar JEK obektilerin ıntegratsııalaýdyń eń jaqsy áleýeti men tehnıkalyq múmkindigi turǵysynan JEK-ti ornalastyrý úshin neǵurlym tıimdi alańdar alynǵan.
«Kompanııa JEK obektileriniń generatsııasyn boljaý júıesiniń múmkindikterin zertteýde. Qoldanystaǵy JEK obektilerin tarta otyryp, boljaý sapasyn arttyrý jónindegi ilki joba aıaqtalý satysynda», - dedi kompanııa basshysy.
Budan buryn habarlanǵandaı, KEGOC jańa manevrlik qýattar qashan salynatynyn jarııalady.
https://kaz.inform.kz/news/kazakstanda-zhana-manevrlik-kuattar-kashan-salynatyny-belgili-boldy_a3751038
