Qazaqstanda energııa únemdeý jáne energııa tıimdiligin arttyrýdyń jol kartasy ázirlenedi
Ondaǵy málimetterge qaraǵanda, «Jasyl ekonomıkaǵa» kóshýdiń negizgi baǵyttarynyń biri energııa únemdeý jáne energııa tıimdiligin arttyrý bolyp tabylady. Qazaqstan Respýblıkasynyń 2025 jylǵa deıingi Strategııalyq damý josparynda jáne «jasyl ekonomıkaǵa» kóshý jónindegi tujyrymdamasynda elimizdiń JІÓ-niń energııa syıymdylyǵyn 2025 jylǵa qaraı 25% - ǵa, al 2050 jylǵa qaraı 50% - ǵa tómendetý mindeti qoıyldy.
2018 jyldyń qorytyndysy boıynsha elimizdiń JІÓ-niń energııa syıymdylyǵy 2008 jylǵy deńgeıden 21,6% - ǵa tómendedi. Halyqaralyq energetıkalyq agenttiktiń derekterine sáıkes, elimizdiń JІÓ energııa syıymdylyǵy Qytaıdyń kórsetkishinen 1,5 ese, EYDU elderinen 4 ese joǵary, al TMD elderiniń arasynda biz 3-oryndamyz.
Qazirgi zamanaýı energııa únemdeý júıesiniń negizi ındýstrııalyq-ınnovatsııalyq damý baǵdarlamasynyń birinshi besjyldyǵynda quryldy.
Qazirgi ýaqytta energııa únemdeý júıesinde 2 negizgi baǵyt jumys isteıdi, bul Memlekettik energetıkalyq tizilim jáne Energııa tıimdiligi kartasy.
Búginde memlekettik energetıkalyq tizilimge 20 myńnan astam uıym kiredi. Tizilim aıasynda shamamen 1 500 sýbekt energoaýdıt júrgizip, is-sharalar engizdi.
Energııa tıimdiligi kartasy aıasynda 149 joba iske asyrylýda, onyń ishinde 45 joba ESKO/MJÁ tetigi arqyly.
Energııa únemdeý salasyna ınvestıtsııalar tartý úshin kósheni jaryqtandyrý jaǵdaıy boıynsha derekter bazasy daıyndaldy, energııa tıimdi jabdyqtardy otandyq óndirýshileriniń tizilimi, sondaı-aq energııa servıstik kompanııalardyń tizilimi qalyptastyryldy.
