Qazaqstanda energııa únemdeý boıynsha ákimdikterdiń qyzmeti baǵalanatyn bolady
ASTANA. 11 maýsym. QazAqparat - Bıylǵy shildeden bastap, ıaǵnı, endi jyl saıyn QR Indýstrııa jáne jańa tehnologııalar mınıstrligi energııa únemdeý men energııa tıimdiligin arttyrý salasyndaǵy saıasatty tabysty oryndaý turǵysynda oblys jáne Astana men Almaty ákimdikterin jyldyń qorytyndysy boıynsha baǵalaıtyn bolady.
Atalǵan baǵalaý sharalary «Energııa únemdeý jáne energııa tıimdiligin arttyrý týraly» jańa Zańǵa sáıkes júrgiziledi.
Úkimettiń tıisti qaýlysynyń jobasyn Indýstrııa jáne jańa tehnologııalar mınıstrligi ázirledi, dep habarlaıdy atalǵan mınıstrliktiń aqparat basqarmasy.
Atap aıtqanda, ákimdikterdiń energııa únemdeý men tıimdilik saıasatyn tabysty júzege asyrýy elimizdiń ındýstrııalyq-ınnovatsııalyq damýynyń mańyzdy quramdas bóligi bolyp tabylady.
