Qazaqstanda energetıka jáne basqa da salalardaǵy ınvestıtsııalyq jobalardyń sany artady

ASTANA. KAZINFORM - QR Premer-Mınıstriniń birinshi orynbasary Roman Sklıardyń tóraǵalyǵymen ótken Investıtsııalardy tartý jónindegi keńes otyrysynda energetıka salasyndaǵy ınvestıtsııalyq jobalardy iske asyrý barysy qaraldy.

Bul týraly Úkimettiń baspasóz qyzmetinen málim boldy.

Qazaqstanda ınvestıtsııalyq jobalardyń jalpyulttyq pýly aıasynda búginde 61 iri jobany júzege asyrý kózdelgen. Onyń ishinde JEK, JEO nysandaryn salý, gaz jáne gıdroelektrostantsııalaryn iske qosý qamtylǵan.

Memlekettik organdarǵa ınvestorlarmen ózara is-qımyldy kúsheıtip, jobalardy belgilengen merzimde paıdalanýǵa berýdi qamtamasyz etý tapsyryldy.

Sondaı-aq óńirlerge ınvestıtsııa tartý máseleleri kóterildi. Máselen, 2023 jyly Jetisýda 52,8 mlrd teńgege josparlanǵan 47 ınvestıtsııalyq jobanyń barlyǵy iske qosylyp, sonyń arqasynda oblysta 1200-den astam jumys orny ashyldy. Onyń ishinde jalpyulttyq pýl aıasynda 10 iri joba júzege asyryldy. Olardyń qatarynda qýaty 50 megavatt jel elektr stansasy, ónerkásiptik akkýmýlıatorlar shyǵaratyn zaýyt, mýltımodaldy kólik-logıstıkalyq ortalyq jáne t. b. bar.

Investıtsııalyq jobalardy iske asyrý máseleleri Investıtsııalyq shtab otyrystarynda turaqty negizde qaralatyn bolady.