Qazaqstanda endi ǵıbadat úılerin salý barlyq qajetti faktorlar eskerilgen soń ǵana qabyldanady - Qaırat Lama Sharıf
ASTANA. 17 maýsym. QazAqparat -Búgin Parlament Májilisinde ótken Úkimet saǵaty barysynda QR Din isteri agenttiginiń tóraǵasy Qaırat Lama Sharıf osylaı málim etti.
Agenttik tóraǵasynyń paıymynsha, Qazaqstanda qazirgi qulshylyq úıleriniń sany dinge senýshiler úshin jetkilikti. «Qazaqstandaǵy ǵıbadat úıleriniń sany 3244 bolsa, sonyń 2320-sy meshitter. Sondyqtan da, budan bylaı ǵıbadat úılerin salý týraly sheshim aldyńǵy jyldarǵa qaraǵanda janjaqty oılastyrylyp, barlyq qajetti faktorlar eskerilip baryp qabyldanatyn bolady. Atap aıtqanda, munda onda halyqtyń suranysy, basqa da ǵıbadat úıleriniń bar-joqtyǵy, olardy qamtamasyz etý múmkindigi sekildi máseleler eskeriledi»,- dep atap ótti Qaırat Lama Sharıf.
