Qazaqstanda endi kásiporyndardyń sý tutynýy qatań baqylaýda bolady
ASTANA. KAZINFORM – Qazaqstanda kásiporyndardyń sý tutynýyn baǵalaý jáne azaıtýǵa arnalǵan Smart Water Zone ekologııalyq jobasy iske qosylady, dep habarlaıdy QR sýr resýrstary jáne ırrıgatsııa mınıstrliginiń baspasóz qyzmeti.
Joba óndiristik kásiporyndardy, qonaqúılerdi, meıramhanalardy, saýda ortalyqtaryn, keńseler men bilim berý uıymdaryn qamtıdy. Qatysýshylar sý tutyný júıesine táýelsiz jedel baǵalaý júrgizip, tıimdilikti arttyrý boıynsha praktıkalyq usynymdar men saladaǵy úzdik tájirıbelerge qol jetkize alady. Tekserý qorytyndysy boıynsha kompanııalarǵa «Qola» deńgeıinen «Platınaǵa» deıingi Smart Water Zone belgisi beriledi.
Jınalǵan málimetter negizinde salalar boıynsha sý paıdalaný taldaýy, qatysýshylar týraly aqparat, nysandardyń aýmaǵy, geografııasy, sý tutynýdy qysqartý dınamıkasy jáne sý paıdalanýdyń tıimdiligin arttyrýǵa qatysty usynymdar qamtylǵan analıtıkalyq esep ázirlenedi.
Bastamany GPI Group kompanııalar toby Coca-Cola jáne Green Urban qaýymdastyǵymen birlesip, QR Sý resýrstary jáne ırrıgatsııa mınıstrligi men Astana qalasynyń ákimdiginiń qoldaýymen júzege asyryp otyr. Bul joba buǵan deıin el boıynsha 70-ten astam kompanııany biriktirgen Smart Plastic Zone bastamasynyń jalǵasy sanalady. Jańa jobaǵa qazirdiń ózinde «Báıterek» UBH jáne Qazaqstannyń Damý banki qosyldy.
Jobany iske qosý aıasynda «Sý resýrstarynyń aqparattyq-taldaý ortalyǵy» KEAQ pen Green Urban qaýymdastyǵy yntymaqtastyq týraly memorandýmǵa qol qoıdy. Qujatqa sáıkes, Sý resýrstarynyń aqparattyq-taldaý ortalyǵy jobaǵa saraptamalyq-taldamalyq seriktes retinde qatysady. Yntymaqtastyq aıasynda ortalyq sý únemdeý tájirıbelerin engizý jáne jobaǵa qatysýshy kompanııalardyń sý tutynýyn baǵalaý boıynsha ádistemelik qoldaý kórsetedi.
-Jańa Sý kodeksi bıznes úshin naqty baǵdarlardy aıqyndaıdy: búgin sý tutynýdy erikti túrde azaıtý - erteń mindetti talaptarǵa daıyn bolý degen sóz. Bıznestiń sý izin azaıtý endi tek bedel máselesi emes, operatsııalyq turaqtylyq máselesine aınaldy. Sý resýrstarynyń aqparattyq-taldaý ortalyǵynda salalar bólinisindegi sý tutyný boıynsha analıtıkalyq baza bar. Smart Water Zone jobasyna qatysý kompanııalarǵa óz kórsetkishterin salalyq normatıvtermen salystyryp, sý tutynýdy azaıtýdyń naqty sharalaryn ázirleýge múmkindik beredi», - dedi «Sý resýrstarynyń aqparattyq-taldaý ortalyǵy» KEAQ basqarma tóraǵasynyń orynbasary Janna Qazjanova.
Eske salaıyq, Qazaqstannyń jańa Sý kodeksi kásiporyndardy bes jyldyq aınalymdy jáne qaıtalama sýmen jabdyqtaý júıesine kóshý josparyn ázirleýge mindetteıdi. Sonymen qatar qoldanystaǵy júıelerdi ozyq tehnologııalardy paıdalana otyryp jańǵyrtý qajet. 2026 jyl ishinde barlyq kásiporyn osyndaı jospar ázirleýi tıis. Al kelesi jyldan bastap olardy kezeń-kezeńimen iske asyrý bastalady.
Osyǵan deıin sýarý maýsymyna arnalǵan sý lımıti bekitilgeni týraly jazdyq.
