Qazaqstanda eńbekke qabiletti jastaǵy turǵyndar sanynyń ósimi tómendeıdi
«Respýblıka turǵyndarynyń boljaldy sanyna sáıkes 2018 jylǵa deıingi kezeńde eńbekke qabiletti jastaǵy turǵyndar sanynyń ósimi aldyńǵy jyldarǵa qaraǵanda edáýir tómen bolady», delingen habarlamada.
Basty sebep TMD elderinde, onyń ishinde Qazaqstanda 1990-shy jyldary bolǵan demografııalyq quldyraý bolyp otyr. Ol kezde ekonomıkada oryn alǵan daǵdarystyq kórinister 21 ǵasyrdyń basyna deıin týý kórsetkishterine keri áserin tıgizdi. Sarapshylar sońǵy jyldary eńbekke qabiletti jastaǵy turǵyndar sanynyń ósimi birtindep tómendep kele jatqanyn aıtady. Mysaly, aǵymdaǵy jyly bul ósim 0,2% qurasa, kelesi jyly - 0,14%, 2017 jyly - 0,08%, al 2018 jyly eń tómen kórsetkish - 0,03% quraıdy. Atalǵan úrdisterdiń negizgi sebepteriniń biri 16-24 jas aralyǵyndaǵy jastar sanynyń aǵymdaǵy jylǵy 2,4 mln.-nan 2018-2021 jyldary 2,1 mln.-ǵa deıin azaıýy bolyp tabylady. Boljamǵa saı, jastardyń sany boıynsha 2015 jylǵy deńgeıge tek 2025 jyly jetedi. Sonymen qatar zeınetkerlik jastaǵy turǵyndar sany bıyl 1,6 mln. bolsa, 2018 jyly 2.1 mln.-ǵa jetedi.
Sarapshylardyń boljamynsha, bolashaqta zeınetkerlik jastaǵy azamattar sany (zeınetkerlikke shyǵatyn qazirgi jasty esepke alǵanda) arta túsip, Qazaqstan turǵyndarynyń jıyntyq sany qazirgi 10,6%-dan 2030 jyly 14% jáne 2050 jyly 15,6% jetedi.
ıAǵnı, aldaǵy jyldary respýblıka ekonomıkasynyń damýyn esepke ala otyryp, jumys berýshiler jańa jumyskerlerdi jaldaýda problemaǵa tap bolýy múmkin. Ekinshi jaǵynan, jumyssyzdyq deńgeıi ári qaraı tómendeýi tıis.