Qazaqstanda eńbek zańnamasyna tekserý júrgizilmek
«Eńbek zańnamasyn jetildirý máselesi QR Úkimeti janyndaǵy áleýmettik seriktestik, eńbek qatynastaryn retteý jónindegi respýblıkalyq úshjaqty komıssııa otyrystarynda turaqty túrde qaralady. Jalpy eńbek zańnamasyn jetildirý jumystary únemi júrgizedi», - dedi vıtse-premer jaýabynda.
Onyń atap ótýinshe, 2020 jyly «Eńbek máseleleri boıynsha Qazaqstan Respýblıkasynyń keıbir zańnamalyq aktilerine ózgertýlermen tolyqtyrýlar engizý týraly» QR Zańy qabyldanyp, kásibı táýekelderdi baǵalaý jáne basqarýǵa negizdelgen eńbekti qorǵaýdy basqarý júıesin engizý boıynsha birqatar ózgertý men tolyqtyrý engizilgen.
«Nátıjesinde eskertý, aldyn alý jáne ótem is-sharalaryn qamtıtyn jumysshynyń densaýlyǵyn qorǵaýdyń eskertpeli sharalaryn qabyldaýdy qamtamasyz etý úshin kásibı táýekelderdi baǵalaý jáne basqarýdyń úzdiksiz protsesi qamtamasyz etildi. Áleýmettik seriktesterdiń pikirlerin jan-jaqty qaraý jáne esepke alý úshin Eńbek jáne halyqty áleýmettik qorǵaý mınıstrligi janynan eńbek zańnamasynyń quqyq qoldaný tájirıbesine saraptama jasaý jónindegi jumys toby quryldy», - dedi ol.
Eraly Toǵjanovtyń dereginshe, jumys tobynyń quramyna salalyq memlekettik organdardyń, Bas prokýratýranyń, «Atameken» ulttyq kásipkerler palatasynyń, kásipodaqtar men iri kásiporyndardyń ókilderi kirdi. Sonymen qatar top quramyna Májilis depýttary da shaqyrylatyn bolady.
«Atalǵan jumys toby eńbek zańnamasynyń jumysshylardyń múddesine jáne olardyń eńbek quqyqtarynyń qorǵalýyna sáıkestigine tekserý júrgizedi», - dedi Úkimet basshysynyń orynbasary.
