Qazaqstanda eńbek zańdylyqtaryn jalpyǵa birdeı oqytý júrgiziledi
ASTANA. 26 shilde. QazAqparat - 2013 jyldan bastap Qazaqstanda eńbek zańdylyqtaryn jalpyǵa birdeı oqytý júrgiziletin bolady,
dep habarlady Eńbek jáne halyqty áleýmettik qorǵaý vıtse-mınıstri Birjan Nurymbetov pm.kz saıtyna.
«Elbasynyń tapsyrmasy boıynsha biz jumys tobyn qurdyq, qazir is-sharalar josparyn ázirleýdemiz, endi 2013 jyldan bastap eńbek zańdylyqtary boıynsha jalpyǵa birdeı oqytýmen aınalysatyn bolamyz», - dedi ol.
Vıtse-mınıstrdiń aıtýynsha, is-sharalar josparyna semınarlar, dóńgelek ústelder, barlyq kásiporyndardyń jumysshylarymen kezdesýler engizilgen. 3 jyl ishinde jalpyǵa ortaq oqytýmen barlyq iri jine orta kásiporyndardy qamtý josparlanǵan.
Bul jumyskerdiń quqyqtyq saýatyn arttyryp, eńbek daýlarynyń aldyn alyp, onyń bastapqy kezeńinde-aq joıýǵa múmkindik beretinin de vıtse-mınıstr atap ótti.
«Jumysqa ornalasqan jumysker óz quqyqtaryn, óziniń qyzmeti eńbek kelisimimen rettelip, eńbek qatynastary tirkelgenin bilýi qajet», - dep basa aıtty B.Nurymbetov.
Sondaı-aq, vıtse-mınıstr jumyskerdiń eńbek sharty aýmaǵynan shyǵyp ketýi múmkin kepildikter, qosymsha jeńildikter men sharalar ashyq kórsetiletin eńbek kelisimin jasaýǵa qatysýy qajettigin aıtty.
Budan basqa, eńbek daýlarynyń aldyn alýdyń qosymsha sharalary retinde, Halyqaralyq eńbek uıymy konventsııasyna saı, anaǵurlym joǵary jedeldiktegi tekseristerdi aıtýǵa bolady.
«Búginde memlekettik eńbek ınspektory quqyq buzýshylyq týraly aqpar alynǵan kásiporynǵa jaı ǵana kelip, anyqtalǵan quqyq buzýshylyq týraly jumys berýshige eskertý jasap, kemshilikti joıý týraly hat jazyp ketýge múmkindik alýy kerek. Bul búgingi kúnge deıin bolmaǵan aldyn alý sharasy bolmaq», - dedi B.Nurymbetov.
