Qazaqstanda eńbek resýrstaryn bólý kartasy qurylatyn bolady
ASTANA. 1 naýryz. QazAqparat - Aǵymdaǵy jyldyń maýsym aıynda Qazaqstanda eńbek naryǵy aýqymdy túrde zerttelip, zertteý nátıjesinde eńbek resýrstaryn bólý kartasy qurylatyn bolady,
dep habarlady Pm.kz saıtyna bergen arnaıy suhbatynda «Atameken odaǵy» Ulttyq ekonomıkalyq palatasynyń áleýmettik jobalar jónindegi atqarýshy dırektory Janar Mámbıeva.
«2012 jyldyń 1 maýsymynan bastap jergilikti atqarýshy organdardyń jumysy aıasynda mamandyqtar men salalar bóliminde eńbek naryǵyna 5 jylǵa arnalǵan zertteý júrgizý josparlanýda», - deıdi Janar Mámbıeva.
Onyń aıtýynsha, osy zertteýdiń arqasynda jumys kúshi kóp aýdandar anyqtalyp, eńbek resýrstaryn bólý kartasy qurylady.
«Kartanyń maqsaty eńbek resýrstarynyń damý dınamıkasyn qoldaý jáne jańartý bolyp tabylady. Kartanyń kómegimen jańa ınnovatsııalyq jobalar úshin eńbek resýrstaryn izdeýge múmkindik týyp, mamandardy oqytý men qaıta oqytýdy talap etetin salalar anyqtalmaq», - dep túıindedi ol.
