Qazaqstanda eńbek mıgranttaryn rásimdeý ońtaılandyrylýda
ALMATY. QazAqparat - Shetel azamattary arasynda Qazaqstannyń eńbek naryǵyna degen suranysynyń artýyna oraı, olardyń el terrıtorııasynda eńbek etýin resmı rásimdeý protsesi odan ári jeńildetilýde. Bul týraly Іshki ister mınıstriniń orynbasary, polıtsııa general-maıory Erlan Turǵumbaev Ujymdyq qaýipsizdik týraly shart uıymy músheleriniń 21 otyrysynda málimdedi, dep habarlaıdy QazAqparat tilshisi.
Jyl ótken saıyn Qazaqstanǵa jumys isteý maqsatynda keletin shetel azamattarynyń sany artyp keledi. Ásirese, Ózbekstan, Ázerbaıjan, Tájikstan elderinen Qazaqstanǵa eńbek etýge keletinder kóp. Kelýshiler sany artqandyqtan, Qazaqstan Respýblıkasy kóshi-qon zańnamasynyń buzylýy da jıileı túsken.
«Ótken jyly kóshi-qon zańnamasyn buzǵan 109 852 shetel azamaty ákimshilik jaýapkershilikke tartylyp, 13 685 azamat sot sheshimimen el aýmaǵynan alastatyldy», - deıdi Erlan Turǵumbaev.
Onyń aıtýynsha, eńbek mıgranttaryn rásimdeý protsesin jeńildetý arqyly damyǵan elderden keletin kásipkerlerdiń el aýmaǵynda jumys isteýine qolaılylyq jasalady.
«Týrısterdiń kóptep kelýine jáne olar ózderin Qazaqstan aýmaǵynda qaýipsiz sezinýine jaǵdaı jasaý bizdiń mindetimiz», - deıdi polıtsııa general-maıory Erlan Turǵumbaev.
Aıta ketsek, aǵymdaǵy jyl basynan eńbek mıgranttaryn rásimdeý ortalyǵy shetel azamattaryna qyzmet kórsetip keledi. Osyǵan deıin bul protsesti júzege asyrý birneshe kúnge sozylsa, qazir nebári bir saǵat ýaqyt jumsalady.
Joldas Órisbaev
