Qazaqstanda eńbek qabiletin joǵaltý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsheri arttyryldy

QR Úkimetiniń 2010 jylǵy 30 jeltoqsandaǵy №1480 qaýlysy búgin «Egemen Qazaqstan» gazetinde jarııalandy.

Úkimettiń tıisti qaýlysynda bylaı delingen: «2011 jylǵy 1 qańtarǵa áleýmettik tólemderdi alýshylar bolyp tabylatyn adamdarǵa Memlekettik áleýmettik saqtandyrý qorynan eńbek qabiletin joǵaltý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsheri 2011 jylǵy 1 qańtardan bastap jeti paıyzǵa arttyrylsyn».

Bul qaýly 2011 jylǵy 1 qańtardan bastap qoldanysqa engiziledi.

Qaýlyǵa Qazaqstan Respýblıkasynyń Premer-Mınıstri K.Másimov qol qoıǵan.