Qazaqstanda eńbek ınspektorlarynyń mártebesi kóterilmek
«Ókinishke oraı 2013 jyly Eńbek mınıstrliginen ákimdikterdiń qaraýyna ótken Memlekettik eńbek ınspektsııasynyń sany únemi qysqaryp kele jatyr. Búginde búkil elimizde 260 qana eńbek ınspektory bar. Sondyqtan barlyq kásiporyndardy tolyq qamtý problema bolyp tur. Máselen, 1 jyldyń ishinde shamamen 9 myń tekserý júrgiziletin bolsa, onda sonyń 90 paıyzy jumysshynyń shaǵymy boıynsha oryn alady. Tıisti zańnamada josparly tekserý barynsha azaıtylǵan. Buǵan qosa, qazirgi ýaqytta memlekettik eńbek ınspektorlaryna kóptegen shekteýler bar. Olar prokýratýradan, tıisti organdardan ruqsat almaıynsha, jumys berýshige aldyn al eskertpeıinshe eńbek zańnamasyndaǵy qandaı da bir zań buzýshylyq týraly shaǵymǵa oraı áreket ete almaıdy», - dedi ol.
Sonymen qatar mınıstrdiń aıtýynsha, eńbek ınspektory máselen jalaqy tólenbeýine qatysty búkil ujymnyń emes, eńbek ınspektsııasyna júgingen naqty bir azamattyń ǵana shaǵymyn teksere alady.
«Sondyqtan Eńbek mınıstrligi usynys jasady. Halyqaralyq tájirıbede eńbek ınspektory jumysshyǵa qatysty eńbek zańnamasynyń buzylýyna jol bermeý úshin kez kelgen kásiporynǵa táýliktiń kez kelgen ýaqytynda kedergisiz kire alady. Biz eńbek ınspektorlaryna osynda mártebe bergimiz keledi. Qazir Qazaqstanda 1 eńbek ınspektoryna 23 myń jumysshydan keledi. Halyqaralyq eńbek uıymynyń usynysyna sáıkes, 1 ınspektorǵa 10 myń jumysshydan kelýi tıis. ıAǵnı, bizge eń aldymen ınspektorlardyń sany 2 esege jýyq arttyrý kerek. Ekinshiden, eńbek ınspektoryna eńbek zańnamasynyń buzylýyna qarsy kez kelgen ýaqytta áreket etýi úshin joǵaryda aıtqan mártebeni berýimiz qajet», - dedi mınıstr.
Degenmen, B.Nurymbetovtiń aıtýynsha, eńbek ınspektoryna zańnamany buzǵan kásiporynǵa birden aıyppul salý quqyǵy berilmeıdi. Inspektor eń aldymen kásiporynǵa belgili bir ýaqytta eńbek zańnamasyn buzylýyn joıý týraly uıǵarym berýi qajet. Tek osy uıǵarym belgilengen ýaqyttyń ishinde oryndamasa ǵana ákimshilik shara qoldana alady.
