Qazaqstanda eńbek daýlarynyń sany azaıǵan
ASTANA. QazAqparat - Ótken jylmen salystyrǵanda jumysshylardyń narazylyq tanytý derekteri áldeqaıda kemigen. QR Densaýlyq saqtaý jáne áleýmettik damý mınıstrliginiń Eńbek komıteti tóraǵasy Aqmadı Sarbasov osylaı dedi, dep jazady khabar.kz.
- Eń aldymen, eńbek qaýipsizdigi máselesine den qoıyldy. Óıtkeni búgingi tańda óndiris oshaqtaryndaǵy jumysshylardyń jaraqattanýy jáne qaza tabý derekteri artyp otyr. Biz júrgizgen zertteý jumystary kórsetkendeı, oryn alǵan derekterdiń 80%-ynda jumys berýshilerdiń kinási dáleldenip otyr.
Jahandyq básekege qabiletti ındeksteri jarııalanǵan ekonomıkalyq forýmda elimiz eńbek naryǵynyń tıimdiligi boıynsha 25-orynnan 15-orynǵa kóterilgen.
Bul zertteýge 144 el qatysypty. Komıtet tóraǵasynyń aıtýynsha, qazir kásiporyndar arasynda túsindirme jumystary qarqyndy júrip jatyr. Sońǵy eki jylda 4 myńǵa jýyq óndiris oryndarynda eńbek etýshiler men jumys berýshilerdiń quqyqtary men mindetteri egjeı-tegjeıli baıandalǵan.
