Qazaqstanda eńbek daǵdysyn turaqty jetildirý boıynsha ulttyq joba jasalmaq
«Jas ult mártebesiniń bizge uzaqmerzimdi artyqshylyqtar beretinin túsiný mańyzdy. Olardy durys paıdalanyp, adamı kapıtaldy damytý boıynsha júıeli jumys júrgizý kerek. Jastarǵa salynǵan ınvestıtsııalar, árıne, eselenip qaıtady jáne búkil memleketimizge ıgilik ákeledi», - dedi QR Prezıdenti Qasym-Jomart Toqaev jetinshi shaqyrylymdaǵy QR Parlamentiniń birinshi sessııasynda.
Memleket basshysy sońǵy ýaqytta Qazaqstannyń bilim berý júıesin reformalaýda ilgerilegenin atap ótti.
«Sonymen qatar, qordalanǵan birqatar máseleni de sheshý qajet. Negizgi mindet – túrli áleýmettik toptar men óńirler arasynda bilim berý sapasyndaǵy alshaqtyqty azaıtý. Damýdyń osy kezeńinde qyzmetkerlerdi qaıta oqytý jáne daǵdylaryn turaqty jetildirý boıynsha jańa saıasat talap etiledi. Osy maqsatta arnaıy ulttyq jobany ázirlep, iske asyrý qajet», - dedi Memleket basshysy.
