Qazaqstanda eń joǵary jalaqyny kimder alady
NUR-SULTAN. QazAqparat – 2020 jyldyń tórtinshi toqsanynyń qorytyndylary boıynsha qazaqstandyqtardyń ortasha aılyq jalaqysynyń mólsheri jyldyq 14,3 ósimdi kórsetip, 233,1 myń teńgege jetti.
Inflıatsııany esepke alǵanda, naqty ósim 6,5 paıyzdy quraǵan. Salystyrmaly túrde, 2019 jyldyń sáıkes, kezeńinde qazaqstandyqtardyń ortasha aılyq jalaqysy 203,9 myń teńgeni quraǵan. Bul týraly QazAqparat finprom.kz saıtyna silteme jasap habarlaıdy.
Óńirler arasynda ortasha aılyq jalaqynyń eń úlken mólsheri dástúrli túrde Atyraý oblysynda: 377,4 myń teńge, bul el boıynsha kórsetkishten jalpy alǵanda 61,9 paıyzǵa kóp. Ortasha aılyq jalaqysy joǵary aımaqtar «úshtigine» sondaı-aq elorda (349,6 myń tg) jáne Mańǵystaý oblysy (337,7 myń tg) kirgen.
Al tómengi jalaqy Túrkistan (166,7 myń tg), Jambyl (168,8 myń tg) jáne Soltústik Qazaqstan oblystarynyń (168,9 myń tg) turǵyndary alady.
Túrli salalarda qyzmet etetin jumyskerlerdiń eńbekaqysynda aıyrmashylyqtar baıqalǵan.
Máselen, taý-ken qazý ónerkásibinde ortasha aılyq jalaqynyń maksımaldy mólsheri belgilendi (472,3 tys. tg), al qarjy jáne saqtandyrý qyzmetinde bul kórsetkish 422,6 myń teńgeni quraǵan. Osy arada, eń tómen ortasha aılyq kórsetkish sýmen jabdyqtaý salasynda (145,7 myń tg) jáne aýyl sharýashylyǵynda (147,7 myń tg) tirkelgen.
Óz kezeginde, bilim berý salasynda ortasha aılyq jalaqy 176,5 myń tg quraǵan (el boıynsha ortasha kórsetkishten 24,3% tómen), densaýlyq saqtaý salasyndaǵy ortasha jalaqy - 197,4 myń tg (el boıynsha ortasha kórsetkishten 15,3% tómen). Bul salalardaǵy ortasha aılyq jalaqy el boıynsha eń tómengiler qatarynda.
Osylaısha, Qazaqstanda munaıshylar men qarjygerler muǵalimder men dárigerlerge qaraǵanda eki ese kóp tabys tabady.
