Qazaqstanda eń jıi paıdalanylatyn top-3 járdemaqy qandaı

ASTANA. KAZINFORM — «Azamattarǵa arnalǵan Úkimet» Memlekettik korporatsııasy» jyldyń basynan beri eń jıi rásimdelgen járdemaqylardyń tizimin jarııalady.  

Korporatsııanyń málimetinshe, Qazaqstanda ár azamat týǵannan bastap 42 túrli memlekettik tólem túrine qol jetkize alady. Bul tólemder otbasylardy qoldaýdan bastap, ómirdiń ártúrli kezeńderinde kórsetiletin kómek túrlerin qamtıdy. 

Bıyl jyl basynan beri kóp rásimdelgen top-3 járdemaqyǵa mynalar jatady:

• Jumystan aıyrylý jaǵdaıynda áleýmettik tólem taǵaıyndaý — 79 797
• Bala týýyna jáne kútimine baılanysty járdemaqy — 50 396
• 1,5 jasqa deıingi bala kútimi boıynsha aı saıynǵy járdemaqy (jumys istemeıtinderge) — 40 283

Eske sala keteıik, elde járdemaqy men tólemder boıynsha qandaı ózgeris bolǵanyn myna siltemeden oqı alasyz.

Al byltyr qazaqstandyqtarǵa 746 mlrd teńgege járdemaqy men áleýmettik tólem tólenipti.