Qazaqstanda eń úzdik jáne eń nashar HQKO-y anyqtaldy
ASTANA. 13 qyrkúıek. QazAqparat /Jasulan Amanbaıuly/ - Astanada halyqqa qyzmet kórsetý ortalyqtarynyń (HQKO) jumys tártibine jasalǵan qoǵamdyq monıtorıngtiń nátıjeleri jarııa etildi.
Zertteý aǵymdaǵy jyldyń 25 shildesinde bastalǵan «Qoǵamdyq baqylaý» jobasynyń aıasynda Qazaqstannyń barlyq oblystary boıynsha 57-ge tarta HQKO-da júrgizildi.
Saralaý nátıjeleri kórsetkenindeı, HQKO-nyń jumys sapasy halyqtyń kóńilinen shyqqan. Infraqurylym men qyzmet kórsetý mádenıeti ortadan joǵary baǵalanyp otyr. Osylaısha, suraýǵa qatysqandardyń 76 paıyzy HQKO-nyń jumysyna qanaǵattanatyndyqtaryn aıtqan. Byltyrǵy taldaýda bul kórsetkish 65 paıyz shamasynda tirkelgeni málim.
«HQKO-nyń jumysyna qanaǵattanatyn azamattardyń sany ósti. Bul deńgeıdiń 11 paıyzǵa ósýi, bizdiń oıymyzsha óte jaqsy ilgerileýshilik», - deıdi Qazaqstannyń azamattyq alıansynyń dırektory Sabına Dúısekeeva.
Respondentterdiń 46 paıyzy HQKO jumysyn - «óte jaqsy», 17 paıyzy - «úzdik», 26 paıyzy - «qanaǵattanarlyq», 9 paıyzy - «qanaǵattanarlyq emes» jáne 2 paıyzy - «nashar» dep jaýap bergen.
Zertteý kórsetkendeı, eń joǵary baǵany Taraz, Qostanaı jáne Kókshetaý qalasynyń HQKO-lary aldy. Al Aqtóbe, Shymkent jáne Astana qalalaryndaǵy ortalyqtar eń tómengi pozıtsııalarda tur.
«Biz eshqandaı qorytyndy shyǵarǵan joqpyz. Bizdiń maqsatymyz - «ólsheý» jasaý boldy. Óte jarqyn kórinis shyqty. Árıne, eń «nashar» HQKO kórsetilgen bólim kózge túsip tur», - deıdi S. Dúısekeeva.
Atalmysh jobany QR Baılanys jáne aqparat mınıstrliginiń jáne Eýropalyq odaq delegatsııasynyń qoldaýymen Qazaqstannyń azamattyq alıansy júrgizdi.
