Qazaqstanda eń úzdik otbasylardy madaqtaýǵa arnalǵan «Mereıli otbasy» atty baǵdarlama jasalady

Bul týraly búgin Astanada «Maqtanym, tiregim - otbasym» atty ónegeli otbasy ókilderimen kezdesý sharasynda Qazaqstan Respýblıkasy Prezıdentiniń keńesshisi, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova málim etti.

 Tóraıymnyń aıtýynsha, atalmysh baǵdarlama Elbasy N.Nazarbaevtyń jeke tapsyrmasymen qolǵa alynbaq.

 «Prezıdenttiń tapsyrmasy bar. Ol boıynsha «Mereıli otbasy» degen úlken baǵdarlama bolady. Jer-jerdegi úlgili otbasylardyń nasıhattalýy júrgiziledi, onyń ishinde ár oblysta «Otbasy» festıvali ótkiziledi. Keıin jınaqtalyp, respýblıkalyq deńgeıde uıymdastyrylady. «Mereıli otbasyny» anyqtaý úshin arnaıy telebaǵdarlama bolady», - dep atap ótti ol.