Qazaqstanda eń úzdik genderlik-sezimtal basshyny anyqtaýǵa arnalǵan baıqaý jarııalandy

ANA. 10 qarasha. QazAqparat /Janna Qorqytova/ - Qazaqstanda jańa respýblıkalyq qoǵamdyq mańyzy bar «Genderlik-sezimtal basshy» baıqaýy bastaldy.

Bul týraly búgin ótkizilgen baspasóz máslıhatynda aktsııany uıymdastyrýshy, Qazaqstan isker áıelderi qaýymdastyǵynyń prezıdenti Raýshan Sársembaeva habarlady.

Onyń aıtýynsha, olar osy sekildi baıqaýdy 2005 jyly QR Genderlik teńdik strategııasy qabyldanǵannan keıin 2006 jyly ótkizdi. Konkýrs ol kezderi oń qoǵamdyq pikir týdyrǵan edi.

«Endi biz bul baıqaýdy taǵy da ótkizip otyrmyz. Biz búginde qoǵamdyq sananyń qanshalyqty ózgeriske ushyraǵan kórgimiz keledi. Negizgi maqsat - basshylardyń qanshalyqty ony biletindigin jáne genderlik saıasat strategııasy qanshalyqty óz deńgeıinde ustalyp otyrǵanyn anyqtaý maqsatynda Qazaqstanda genderlik saıasattyń júzege asyrylýymen qoǵam ókilderin aqparattandyrý», - deıdi aktsııany uıymdastyrýshy R.Sársembaeva.