Qazaqstanda eń úzdik áleýmettik qyzmetkerge daýys berý bastaldy

ASTANA. QazAqparat - QR Densaýlyq saqtaý jáne áleýmettik damý mınıstrligi (ári qaraı - QR DSÁDM) QR áleýmettik qorǵaý júıesiniń qyzmetkeri kúnine arnalǵan «Áleýmettik qorǵaý júıesiniń úzdik qyzmetkeri» baıqaýynyń qatysýshylaryna daýys berý ashyq dep jarııalaıdy, dep habarlaıdy vedomstvonyń baspasóz qyzmetinen.

 Daýys berý baıqaýdyń kelesi nomınatsııalary boıynsha:

            - «Úzdik áleýmettik qyzmetker»;

            - «Zeınetaqy júıesiniń úzdik qyzmetkeri»;

            - «Áleýmettik saqtandyrý júıesiniń úzdik qyzmetkeri»;

            - «Halyqty jumyspen qamtý júıesiniń úzdik qyzmetkeri»;

            - «Áleýmettik saladaǵy  úzdik menedjer-uıymdastyrýshy»;

            - «Úzdik MÁM»;

            - «Úzdik áleýmettik úkimettik emes uıym» boıynsha ótedi.  

Onlaın daýys berý nomınatsııalaryna 2016 jylǵy 5-15 qazan aralyǵynda ótken aımaqtyq irikteý kezeńderiniń jeńimpazdary qatysatyn bolady.

Árbir qazaqstandyq azamat QR DSÁDM resmı ınternet-resýrsynyń (www.mzsr.gov.kz) negizgi betinde daýys bere alady. Onlaın daýys berý 2016 jylǵy 24 qazan saǵat 18:00-ge deıin ótkiziledi.

Esterińizge sala keteıik, QR DSÁDM jergilikti atqarýshy organdarymen birlesip Áleýmettik qorǵaý júıesi qyzmetkerleri kúniniń qarsańynda «Áleýmettik qorǵaý júıesiniń úzdik qyzmetkeri» baıqaýyn ótkizýde. Saıys jeńimpazdaryn saltanatty túrde marapattaý 2016 jylǵy 28 qazanda Astana qalasynda ótedi.