Qazaqstanda eń tómengi kúnkóris deńgeıi jeltoqsanda 26 440 teńge boldy

ASTANA. QazAqparat - Qazaqstanda 2018 jyldyń jeltoqsan aıynda jan basyna shaqqandaǵy eń tómengi kúnkóris deńgeıi 26 440 teńgeni qurady. Bul ótken aıdaǵydan 1,3 % az (qarasha aıynda - 26 108 teńge), dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Negizgi azyq-túlik ónimderiniń eń az normalary boıynsha eseptelgen, eń tómengi kúnkóris deńgeıiniń jan basyna shaqqandaǵy ortasha mólsheri 2018 jylǵy jeltoqsan aıynda 2017 jyldyń jeltoqsanymen salystyrǵanda 3,3 % artqan.

Ótken aıda eń tómengi kúnkóris deńgeıiniń qurylymynda: et pen balyqqa shyǵyndardyń - 20,5%, sút, maı ónimderi jáne jumyrtqaǵa - 16,3%, kókónister men jemisterge - 8,3%, nan ónimderi men jarma ónimderine - 7,6%, qant, shaı jáne dámdeýishterge - 2,3% jumsalǵan.

Avtor: Ashat Ahmetbekov