Qazaqstanda eń tómengi kúnkóris deńgeıi bir jylda 38 myń teńgege deıin ósti
NUR-SULTAN. QazAqparat - Qazaqstanda eń tómengi kúnkóris deńgeıi bir jylda 13%-ǵa, 38 myń teńgege deıin ósti, dep habarlaıdy QazAqparat.
Osy jyldyń qańtar aıynda eń tómengi kúnkóris deńgeıi 38,2 myń teńgeni qurady — bir jyl burynǵyǵa qaraǵanda 12,7%-ǵa kóp. 2018 jylmen salystyrǵanda eń tómengi kúnkóris deńgeıi 47,4%-ǵa, 2013 jylmen salystyrǵanda 2,2 ese ósti.
Anyqtama úshin: 2021 jyly qańtarda eń tómengi kúnkóris deńgeıi jylyna 12,7%-ǵa ósken kezde 33,9 myń teńgeni qurady.
Óńirlik bóliniste eń tómengi kúnkóris deńgeıiniń eń joǵary shamasy Mańǵystaý oblysynda: 41,9 myń teńge — bir jyl burynǵyǵa qaraǵanda 7,8%-ǵa artyq. Odan keıin elorda (41,2 myń teńge) jáne Almaty (39,9 myń teńge) tur. TOP-5 quramyna Almaty (39,5 myń tg) jáne Aqmola (38,6 myń tg) oblystary kirgen.
Eń tómengi kúnkóris deńgeıi Aqtóbe jáne Batys Qazaqstan oblystarynda, sondaı-aq Shymkentte tirkeldi.
Er adamdardyń eń tómengi kúnkóris deńgeıi barlyq jas sanatyndaǵy áıelderdiń eń tómengi kúnkóris deńgeıinen edáýir joǵary.
