Qazaqstanda eń tómengi jalaqy 150 myń teńgege deıin jetýi múmkin
ASTANA. KAZINFORM – QR Ulttyq ekonomıka birinshi vıtse-mınıstri Azamat Ámrın Úkimettiń eń tómengi jalaqyny 150 myń teńgege deıin kóterý josparyna qatysty pikir aıtty.
— Qazir eń tómengi jalaqy 85 myń teńge. Dúnıejúzinde eń tómengi jalaqy - ol medıandyq jalaqynyń 50 paıyzy. Bizde (ortasha jalaqynyń) onyń deńgeıi - 302 myń. Bul rette, jaqyn arada eń tómengi jalaqyny 150 myń teńgege jetkizý mindeti aldymyzda tur, - dedi A. Ámrın.
Bul rette túpkilikti sheshim respýblıkalyq bıýdjettiń múmkindigine baılanysty bolady.
— Bıylǵy túsim boıynsha bıýdjet qalaı bolatynyn endi kóretin bolamyz. Osy dınamıka jalǵasa berse, buǵan qarjylyq múmkindik bolady», - dedi vıtse-mınıstr.
Eske salsaq, 2026 jylǵy 1 qańtardan bastap jalaqynyń eń tómen mólsheri — 85 000 teńge boldy.
