Qazaqstanda eń kóp satylǵan kólikter belgili boldy
ASTANA. QazAqparat - Qazaqstanda eń kóp satylǵan kólikter belgili boldy. Qazaqstan avtobıznesi qaýymdastyǵynyń prezıdenti Andreı Lavrentevtiń «QazAqparat» tilshisine bergen suhbatynda atap kórsetkenindeı, 2013 jyly Qazaqstanda satylǵan kólikterdiń sany birshama artqan.
«2013 jyldyń qortyndysy boıynsha Qazaqstannyń resmı naryǵynda satylǵan kólikterdiń sany 165 710 birlikke teń. Bir jyl buryn onyń sany 98 242 birlik bolǵan. Bıyl úsh aıdyń ishinde 34 474 kólik satyldy», - deıdi A.Lavrentev.
Ótken jyldyń nátıjesi boıynsha, naryqta eń kóp satylǵan LADA, Toyota, Hyundai markaly kólikter. Premıým sanatynda Lexus kósh bastap tur. Odan sál ǵana BMW men Mercedes-Benz qalys keledi. «Jol talǵamaıtyn kólikterdiń qatarynda halyqtyń kóńilin jyl saıyn baýrap kele jatqan Ssang Yong qazaqstandyq markasynyń mysy basym bolyp tur. Kommertsııalyq kólikterdiń ishinde IVECO kólikteriniń satylymy joǵary bolyp otyr. Satylymdardyń negizgi bóligi bıýdjettik sanattaǵy kólikterge oıysyp keledi, olardyń arasynda Peugeot markaly kólikter jaqsy qarqyn alýda», - deıdi uıym basshysy.
