Qazaqstanda eń qymbat jáne arzan shaı qaı óńirde
ASTANA. KAZINFORM – Naýryz aıynda Qazaqstan boıynsha qara shaıdyń ortasha baǵasy kelisine 5 846 teńge boldy. Byltyrǵy naýryzben salystyrǵanda shaıdyń ortasha baǵasy 6,9% ósken.
Ulttyq statıstıka bıýrosy málimetinshe, orta eseppen qazaqstandyqtar 250 gramm shaı qorabyn 1 462 teńgege alady.
Óńirler bólinisinde qara shaıdyń eń tómengi baǵasy Semeı qalasynda baıqaldy: 1 kg úshin 5 300 teńge. Al eń qymbat shaı Shymkenttiń bólshek saýda oryndarynda satylǵan – 6 747 teńge/kg.
Sondaı-aq joǵary baǵa Atyraýda (6 338 tg/kg), Qaraǵandyda (6 216 tg/kg) jáne Qyzylordada (6 069 tg/kg) tirkeldi. Qalǵan qalalarda ortasha baǵa 1 kg úshin 5,4 myńnan 5,9 myń teńgege deıin qubylady.
Jalpy shaı tutyný deńgeıi boıynsha bir adamǵa aıyna orta eseppen shamamen 100 gramm shaıdan keledi.
Shaıdyń negizgi jetkizýshileriniń qatarynda Kenııa bar – ımporttalatyn ónimniń shamamen 40% osy eldiń úlesine tıesili. Sondaı-aq negizgi kólemder Úndistan men Qytaıdan jetkiziledi.
Aıta keteıik, Qytaı 2030 jylǵa qaraı shaı ındýstrııasyn 1,5 trln ıýanǵa jetkizýdi kózdeıdi.
Birqatar shaıdyń quramynan tyıym salynǵan zattar tabylyp, satylymnan alynyp tastaldy.
