Qazaqstanda eń birinshi sáýlettik qyzmetter ortalyǵy ashylmaq
ASTANA. QazAqparat - Elorda ákimdigi janyna elimizdegi eń birinshi sáýlettik qyzmetter ortalyǵy ashylmaq. Bul týraly búgin «Astana - adaldyq alańy» jobasynyń jetekshisi Jazıra Jylqyshıeva aıtty, dep habarlaıdy QazAqparat tilshisi.
«Jobalyq keńse sáýlet, qala qurylysy jáne jer qatynastary basqarmasynyń qyzmetine saraptama júrgizip, onyń barysynda bıznes-protsesterdiń problemalyq máseleleri, sonymen qatar Qazaqstan zańnamasynyń buzylý derekteri anyqtaldy. Joba usynǵan usynystardyń nátıjesi boıynsha basqarmanyń ornyn aýystyrý josparyn eskere otyryp, Qazaqstanda birinshi sáýlettik qyzmetter ortalyǵyn ashý máselesi qarastyrylýda»,- dedi ol búgin medıtsına salasyn jańǵyrtý máseleri jónindegi semınar-keńes barysynda.
Onyń atap ótýinshe, ókiletti mınıstrlikke normatıvtik-quqyqtyq aktilerge ózgerister engigizý jáne azamattardyń qyzmet alý protsesterin ońtaılandyrý boıynsha sáıkesinshe usynys jiberilgen.
Sonymen qatar kóshi-qon qyzmeti organdaryna da saraptama júrgizilip, nátıjesinde Kóshi-qon halyqqa qyzmet kóretý ortalyǵynyń qyzmetin jaqsartý jáne memlekettik qyzmetterdi kórsetý protsesindegi jemqorlyq táýekelderdi tómendetý boıynsha usynystar ázirlengen.
«Qazirgi ýaqytta jobalyq keńse bilim salasyna sarapama júrgizip jatyr. Balalardy mektepke deıingi uıymǵa esepke qoıý jáne qabyldaý protsedýralaryn reglamentteý, jasyryn memlekettik qyzmetter qatary tizilimine qosý, balalardy mektepke deıingi uıymǵa qabyldaýdyń barlyq kezeńderin avtomattandyrýdy qarastyratyn normatıvtik-quqyqtyq aktilerdi ázirleý máselesi qarastyrylyp jatyr», - dedi Jazıra Jylqyshıeva.
Foto: www.youtube.com
