Qazaqstanda «Elektrondyq saýda týraly» Zań qabyldanady

Bul týraly búgin Úkimet otyrysynda QR Kólik jáne kommýnıkatsııa mınıstri Asqar Jumaǵalıev málim etti.

«Bul turǵyda jalpy másele ınternet-kommertsııa bolyp tabylady. Osy jerde Internettegi elektrondyq tólemder belsendi alǵa jyljytylatyn bolady. Ol úshin «Elektrondyq saýda týraly» Zań qabyldaý kózdelýde, tehnıkalyq quramdaýshylar qurylady, onyń ishinde onlaın-tólem júıesi, logıstıkalyq kanaldar jáne kýrerlik saýda qamtylmaq»,-dep túsindirdi mınıstr.

Buǵan qosa, vedomstvo basshysy mınıstrlik «zııatkerlik kólik júıesin» damytatynyn atap ótti. QR Aýyl sharýashylyǵy mınıstrligi agroónerkásiptik keshende aqparattyq resýrstardy qalyptastyrýǵa múmkindik beretin júıeni engizbek. Jalpy alǵanda kóptegen memlekettik organdar ózderiniń salalaryn damytý úshin aqparattyq resýrstardy belsendi túrde alǵa jyljytýdy kózdep otyr.