Qazaqstanda elektrondy túrde kórsetiletin qyzmetterdiń sany 38 mıllıonǵa jetti - A. Jumaǵalıev
ALMATY. QazAqparat - Qazaqstanda búginde elektrondy túrde kórsetiletin qyzmetterdiń sany 38 mıllıonǵa jetti. Bul týraly búgin Almatyda «Qaznetke 20 jyl: Onyń qalyptasýy, máseleleri jáne keleshegi» atty taqyrypta ótken dóńgelek ústel barysynda QR Investıtsııalar jáne damý vıtse-mınıstri Asqar Jumaǵalıev málimdedi.
Onyń aıtýynsha, Qazaqstanda elektrondy úkimet baǵdarlamasy oıdaǵydaı júzege asyryldy.
«Atalmysh baǵdarlamany engizý arqasynda Qazaqstan osy salanyń damýy boıynsha álemde 28 orynǵa kóterildi. Al kezinde elimizde telekommýnıkatsııalyq salany lıberalızatsııalaý boıynsha talaı daý-damaılar týyndaǵanyn bilesizder. Biraq, qalaı bolǵanda da «Qazaqtelekom» óziniń biregeıliginen aıryldy. Sodan, bul salada basqa da myqty, básekege qabiletti kompanııalar paıda boldy. Sáıkesinshe, tarıfter arzandaı bastady. Qazaqstan búginde uıaly baılanystyń arzandyǵy jóninen álemde 17 orynǵa shyqty. Al tirkelgen ınternet baǵasy boıynsha 8-shi oryndamyz. ıAǵnı, bizde tarıf baǵasy óte arzan. Biz endi tarıfterdi arzandatý jumystaryn odan ári jalǵastyratyn bolamyz», - dedi óz sózinde A. Jumaǵalıev.
Búgingi dóńgelek ústel barysynda Qaznettiń qalyptasýy men qazirgi jaǵdaıy jáne bolashaǵy, ınternetti damytýdyń basty trendteri, ınternetke qosylý, ınternet arqyly tólem júrgizý jáne basqa da kóptegen máseleler talqylandy.
Dóńgelek ústeldiń jumysyna QR Investıtsııalar jáne damý mınıstrliginiń, basqa da memlekettik qurylymdardyń, Domendik ataýlardy basqarý jónindegi halyqaralyq uıymnyń (ICANN), Qazaqsannyń IT- kompanııalar qaýymdastyǵy jáne telekomýnıkatsııa salasyna qatysty basqa da jeke kompanııalardyń ókilderi qatysty.
