Qazaqstanda elektrondy saýdanyń jylyna 40 paıyzǵa ósýi kútilýde
«Aǵymdaǵy jyly «Tsıfrlyq Qazaqstan» memlekettik baǵdarlamasyn júzege asyrýdyń belsendi fazasyna kóshtik. Bul úshin qajetti jaǵdaılar, onyń ishinde tsıfrlandyrý jónindegi komıssııa qurylyp, bes memlekettik organda vıtse-mınıstrlerdiń jeke ustanymy bekitildi. Olar vedomstvodaǵy tsıfrlandyrýǵa jaýap beredi. «Zerde» holdıngi janynan tsıfrlandyrý jónindegi jobalyq keńse quryldy. Naqty nátıjeler týraly aıtqan kezde, elektrondy saýda sýbektileri sanynyń ósimin yntalandyratyn Salyq kodeksine ózgertýler engizilgenin atap ótken jón. Mundaı uıymdar korporatıvtik tabys salyǵyn tóleýden tolyqtaı bosatylǵan. Keıbir esepteýlerge sáıkes, mundaı sharalar elektrondy saýda naryǵynyń jyldyq ósimin 40 paıyzǵa deıin qamtamasyz etedi», - dedi mınıstr.
Sonymen qatar ol qańtar aıynda «Elektrondy eńbek bırjasy» jobasy iske qosylǵanyn atap ótti.
«Bul baǵdarlama aıasynda memlekettik sektordy eńbekpen qamtý jónindegi jeke agenttiktermen yqpaldastyrǵan ári azamattardyń jumysqa ornalasý protsesin ashyq jáne jedel jasaǵan birinshi joba boldy. «Elektrondy eńbek bırjasy» qazirdiń ózinde shamamen 70 myń adamnyń jumysqa ornalasýyna septigin tıgizdi», - dedi D.Abaev.
Mınıstrdiń aıtýynsha, «Astana hab» ІT-startaptardyń halyqaralyq tehnoparki akseleratsııa baǵdarlamasy aıasynda 10 joba iske qosyldy. Jyldyń sońyna deıin mundaı jobalardyń sanyn 33-ke jetkizý jospary bar. Jalpy, osy jyldyń jaz aılarynda ashylady.
