Qazaqstanda elektrondy saýdada baǵalardy teńgemen belgileý erejeleri bekitildi
ASTANA. QazAqparat - Qazaqstan Respýblıkasy Ulttyq ekonomıka mınıstrligi «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» 2015 jylǵy 27 qazandaǵy Qazaqstan Respýblıkasynyń Zańyn iske asyrý maqsatynda Qazaqstan Respýblıkasy Ulttyq ekonomıka mınıstriniń mindetin atqarýshy Marat Qusaıynovtyń «Elektrondyq saýdany júzege asyrý qaǵıdalaryn bekitý týraly» 2015 jylǵy 25 qarashadaǵy № 720 buıryǵy bekitildi.
Buıryqta elektrondyq saýda, elektrondyq saýdaǵa qatysýshylar (satýshy, satyp alýshy jáne deldal) túsinikteri engizilgen, sonymen qatar elektrondyq saýdany júzege asyrý tártibi aıqyndalǵan.
Bul rette elektrondyq saýdadaǵy deldal:
1) elektrondyq qujattarda (elektrondyq habarlamalarda) qamtylǵan aqparatty jarııa etpeıdi;
2) eger elektrondyq saýdanyń basqa qatysýshylarymen jasasqan shartta nemese Qazaqstan Respýblıkasynyń zańdarynda ózgeshe kózdelmese, elektrondyq qujattardy (elektrondyq habarlamalardy) nemese olardyń kóshirmelerin, onyń ishinde olardaǵy qamtylǵan aqparatty úshinshi tulǵalarǵa bermeıdi;
3) eger elektrondyq saýdanyń basqa qatysýshylarymen jasasqan shartta nemese Qazaqstan Respýblıkasynyń zańdarynda ózgeshe kózdelmese, elektrondyq qujattardy (elektrondyq habarlamalardy) ne olardy paıdalaný tártibin ózgertpeıdi;
4) taýarǵa baǵany tek ulttyq valıýtada bekitýdi qamtamasyz etedi.
Elektrondyq saýdany júzege asyrý qaǵıdalary Qazaqstan Respýblıkasynyń «Saýda qyzmetin retteý týraly» 2004 jylǵy 12 sáýirdegi zanyna sáıkes ázirlendi jáne elektrondyq saýdany júzege asyrý tártibin aıqyndaıdy.
