Qazaqstanda elektrondy petıtsııa júıesin engizý josparlanýda
Memleket basshysy Qasym-Jomart Toqaevtyń halyqqa arnaǵan Joldaýynyń negizgi qaǵıdalaryn túsindirý jóninde OKQ-daǵy baspasóz máslıhaty barysynda Aqparat jáne qoǵamdyq damý mınıstri Aıda Balaeva memlekettiń qyzmetine qatysýǵa qoǵamdyq qyzyǵýshylyqtyń ósip kele jatqanyn aıtty. Mınıstr Prezıdenttiń tapsyrmasyn oryndaý maqsatynda mınıstrlik álemniń 30-ǵa jýyq eliniń tájirıbesin zerdelegenin, onda petıtsııa is júzinde qoldanylatynyn málim etti. Aıtýynsha, kóptegen elderde «petıtsııa» uǵymy ujymdyq úndeýdiń elektrondyq túri bolyp tabylyp, zańnamalyq deńgeıde retteledi.
«Qazaqstanda «petıtsııa» uǵymy naqty bekitetin, sondaı-aq ony usnyý men qaraý tártibin retteıtin tıisti normatıvtik-quqyqtyq baza ázirlenýde», - dedi Aıda Balaeva.
Eske sala ketsek, keshe Ulttyq qoǵamdyq senim keńesiniń tórtinshi otyrysynda keńes múshesi Maksım Spotkaı petıtsııalardy úshke bólýdi usynǵan edi.
