Qazaqstanda elektrondy kóterme saýdany damytý úshin arnaıy akademııa ashylady
Bul jaıynda vıtse-mınıstr Ásel Janasova elektrondy saýdany damytýǵa arnalǵan «E-commerc Forum» forýmynda aıtty.
«Biz elektrondy saýdanyń ortaq ınfraqurylymyn, durys saıasat qalyptastyrýǵa tyrysamyz. ıAǵnı, azamattar da, bıznes te bir-birimen kedergisiz onlaın saýda jasap, elektrondy tólem jasaı alýy úshin, jetkizip berýi úshin durys jaǵdaı jasalýy kerek. B irneshe jobany iske qostyq. Mınıstr (Serik Jumanǵarın – red) Covid-ke baılanysty «V2S» formatyndaǵy elektrondy rıteıl saýda damyǵanyn aıtty. Biraq ókinishke qaraı, «V2V», ıaǵnı kóterme elektrondy saýda damymaı jatyr. Ol «V2S» formattyń qarqynyna ilese almaı keledi. Bizde Kaspi, Flip, Wildberries, Ozon sııaqty iri platformalar bar. Endi elektrondy kóterme saýdany da osyndaı qarqynmen damytatyn oıynshylar kerek», - dedi mınıstrdiń orynbasary.
Aıtýynsha, vedomstvonyń bul baǵyttaǵy negizgi maqsaty – taýardyń óndirýshiden sórege deıin júretin jolyn barshaǵa barynsha ashyq, yńǵaıly etý.
«ıAǵnı, kásipker óndirgen taýaryn ózi usynyp, ashyq túrde sata alýy kerek. Birinshiden, kóterme saýda akademııasynan bastap otyrmyz. Munda kem degende 1 mln teńge ınvestıtsııa salýǵa múmkindigi joq, saıt ashyp, derekterin saqtaıtyn orny joq kásipkerlerge kómek kórsetiledi. Memleket shaǵyn jáne orta bızneske osy múmkindikterdi tegin usynsa qalaı bolar edi? Munda bazalyq mashyq úıretiledi. Qandaı qat mamandyq bolsa da, óz ónimińdi ne taýaryńdy sata bilý mańyzdy. Mundaı mashyqty eresekter ǵana emes, jetkinshekter de mektep qabyrǵasynan meńgerýi kerek. Jalpy árkimge qajet mashyq bul»,-deıdi vıtse-mınıstr Ásel Janasova.
Ashyq kózderden alynǵan foto
