Qazaqstanda elektrondy kommertsııa aınalymy 600 mln. dollarǵa jetti
ASTANA. QazAqparat - Qazaqstanda elektrondy kommertsııa aınalymy 600 mln. dollardy qurady. Bul týraly búgin Astanadaǵy ASTEX-2014 Halyqaralyq kórme-konferentsııasy barysynda QR Baılanys jáne aqparat agenttiginiń tóraǵasy Asqar Jumaǵalıev málim etti.
«Biz damýdyń kelesi kezeńinde elektrondy kommertsııa qyzmetterin belsendi túrde alǵa jyljytýǵa baǵyttalyp otyrmyz. Bul turǵyda nátıjeler bar. Búginde Qazaqstanda vırtýaldy kommertsııa 600 mln. dollarǵa jýyqtady jáne onyń qarqyny jyl saıyn jaqsy kórsetkishpen artýda»,-dedi A. Jumaǵalıev. Sonymen qatar agenttik basshysy BUU málimetteri boıynsha «elektrondy úkimetti» dymytý deńgeıinde qazirgi kezde Qazaqstan 190 eldiń ishinde 38-orynǵa turaqtady. Al elektrondy qatysý aıasynda Sıngapýrmen qatar ekinshi oryndamyz. Osy reıtıngte Qazaqstan 2010 jylmen salystyrǵanda 16 satyǵa joǵarylady. «Alaıda, osy jaqsy kórsetkishterge qaramastan, áli de eńbek etý qajet, ıaǵnı Memleket basshysy qol qoıǵan úlken baǵdarlama aıasynda aqparattyq-kommýnıkatsııalyq tehnologııalar salasynda jańa nátıjelerge qol jetkizý kerek», - dep túıdi A. Jumaǵalıev.
