Qazaqstanda elektrondy bılet satý 8 esege ósti

NUR-SULTAN. QazAqparat - Jolaýshylar poıyzyna elektrondy bılet satý 8 ese ósti. Bul týraly QazAqparat «Jolaýshylar tasymalyna» silteme jasap habarlaıdy.

Elektrondy bılet satyp alý óte qolaıly. Bul tusta jolaýshy kassada kezekte turmaı ınternet jelisi arqyly úıde ne bolmasa ofısta otyryp kerek baǵyttaǵy jol júrý bıletin satyp ala alady.

2014 jyly qazaqstandyqtar ınternet arqyly 2 545 718 mln bılet satyp alsa, kelesi jyly bul kórsetkish 6,7 mln-ǵa deıin ósti. 2016 jyly 11,6 mln bılet satylsa, 2017 jyly ǵalamtor arqyly 14,8 mln jolaýshy jol júrý qujatyn alǵan.

2018 jyly ınternet arqyly 16 264 373 mln bılet satyldy.

Esterińizge sala keteıik, EPAY.RAILWAYS.KZ arqyly bılet alsańyzdar komıssııa ustalmaıdy.

Ulttyq tasymaldaýshy jol bıletterin tek atalmysh satý oryndarynda alýlaryńyzdy suraıdy. Eger de zańsyz bılet satqan faktilerge tap bolsańyz - mindetti túrde jol torabyndaǵy QR ІІM Kóliktegi polıtsııa departamentiniń qyzmetkerlerine shaǵymdanýǵa bolady.