Qazaqstanda elektrondy jeke kýálik áýejaı men vokzalda jaramdy bolady
ASTANA. KAZINFORM – Kólik mınıstrligi áýe jáne temirjol jolaýshylarynyń jeke basyn kýálandyratyn qujatty tekserý, júk jáne qol júgin alyp júrý qaǵıdalary men talaptaryna ózgerister engizdi. Qujat jobasy «Ashyq NQA» resýrsynda jarııalandy.
Jańa erejelerge sáıkes áýejaı jáne vokzaldaǵy tekserý qyzmetkerleri jolaýshynyń jeke basyn kýálandyratyn qaǵaz qujatty nemese tsıfrlyq qujattar servısindegi elektrondyq jeke kýáligin tekseretin bolady.
Qujatta aıtylǵandaı ózgerister men túzetýler qysqartylǵan nemese tsıfrlyq formatqa kóshirilgen anyqtama qujattardy qaǵaz túrinde talap etpeý úshin engizilip otyr.
«Buıryq jobasyn qabyldaý kólik ınfraqurylymy obektilerine baratyn jolaýshylarǵa jeke basyn anyqtaǵan kezde tsıfrlyq qujattar servısinen elektrondyq qujatty kórsetýge múmkindik beredi», - delingen qujat jobasynda.
Jańa joba 11 qarashaǵa deıin jurtshylyqtyń talqysyna usynylyp otyr.
Aıta ketsek, bıyl maýsymnan qazaqstandyqtar jańa úlgidegi jeke kýálikterdi ala bastady.
