Qazaqstanda elektrondy tsıfrlyq qoltańbany berý tártibi ózgeredi
ASTANA. KAZINFORM – Elimizde elektrondy tsıfrlyq qoltańbany faılda tasymaldaýdy toqtatpaq. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aqparattyq qaýipsizdik komıtetiniń tóraǵasy Rýslan Ábdiqalyqov málim etti.
«Qazir bıometrııalyq sáıkestendirý belsendi damyp keledi, ıaǵnı bultty ETsQ. Sondaı-aq, óte senimdi tokender, olardan ETsQ alý múmkin emes. Tsıfrlandyrý zamanynda barlyq azamatty jappaı qamtýǵa jáne olardy tsıfrlyq elektrondyq qoltańbalarmen qamtamasyz etýge múmkindik beretin eń qarapaıym ádis - faılda tasymaldaıtyn ETsQ berý boldy. Endi faıl tasymaldaǵyshta ETsQ berý rásimin toqtatqymyz keledi. Biraq, bul ádis ázirge eń qaýipsiz bolyp otyr», - dedi Rýslan Ábdiqalyqov Ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin jeke deregi urlanǵandardyń Egov kabınetinde «stop kredıt» tetigi avtomatty túrde iske qosylatyny týraly habarlaǵan edik.
