Qazaqstanda elektrondy shot-faktýra júıesi jańartylady
ASTANA. KAZINFORM — Qazaqstanda «Elektrondyq shot-faktýralar» aqparattyq júıesinde tehnıkalyq jumystar júrgiziledi. Osyǵan baılanysty júıe ýaqytsha qoljetimsiz bolady.
Qazaqstan Respýblıkasy Qarjy mınıstrliginiń Memlekettik kirister komıtetiniń málimetinshe, 10 shilde kúni saǵat 00:00–den 02:00–ge deıin taýarlarǵa ilespe júkqujat (TІJ) pen elektrondyq shot-faktýra (EShF) nysandaryn jańartý jumystary júrgiziledi.
Osy ýaqyt aralyǵynda «Elektrondyq shot-faktýralar» aqparattyq júıesine kirý múmkin bolmaıdy.
Komıtettiń habarlaýynsha, qajet bolǵan jaǵdaıda salyq tóleýshiler TІJ jáne EShF qujattaryn keıin rásimdep, júıege engize alady.
Atap aıtqanda:
- 10 shildede rásimdelýi tıis EShF-ny qaǵaz nusqada jazyp bergen jaǵdaıda, ony 11 shildeden bastap 15 kúntizbelik kún ishinde aqparattyq júıege engizýge bolady;
- TІJ qaǵaz nusqada rásimdelse, ony 13 shildeden bastap 3 jumys kúni ishinde júıege engizýge ruqsat etiledi.
Bul jaǵdaıda salyq tóleýshilerge aıyppul sanktsııalary qoldanylmaıdy.
Eske salaıyq, buǵan deıin Qazaqstanda salyq boıynsha jańa túzetýler tamyz aıynyń sońyna deıin daıyn bolatynyn jazǵanbyz.
