Qazaqstanda elektromobıl sany 12 myńnan asty

ASTANA. KAZINFORM — QR Kólik mınıstrligi elektr kólikterin damytý jáne olardyń ınfraqurylymyn qurý boıynsha qandaı memlekettik qoldaý sharalary qarastyrylǵanyn túsindirdi.

— Statıstıkalyq derekterge sáıkes, búgingi tańda Qazaqstanda elektr qozǵaltqyshtary bar 12120 avtokólik tirkelgen. Sondaı-aq, qazirgi ýaqytta elimizde 426 elektr zarıadtaý stantsııasy bar, — delingen mınıstrliktiń Kazinform agenttigine bergen jaýabynda.

2024 jylǵy 18 shildede «Qazaqstan Respýblıkasynyń keıbir zańnamalyq aktilerine kólik jáne elektromobılderge arnalǵan ınfraqurylymdy damytý máseleleri boıynsha ózgerister men tolyqtyrýlar engizý týraly» Zańy qabyldandy. Onda elimizde elektromobılderge arnalǵan ınfraqurylymdy qurý jáne halyqty elektromobılderge kóshýdi yntalandyrý boıynsha normalar eskerilgen.

Sondaı-aq, elimizde elektromobılderdi damytý úshin birqatar shara qabyldandy:

— elektromobılder kádege jaratý alymynan bosatyldy;
— elektromobılder úshin bastapqy memlekettik tirkeý úshin alym mólsherlemesi kóliktiń basqa túrlerine qaraǵanda shamamen 2 ese tómen belgilengen.
— Turaqty marshrýttarǵa qyzmet kórsetý quqyǵyna konkýrstyq irikteýde elektrobýstary bar tasymaldaýshylarǵa artyqshylyqtar belgilengen. 2018-2024 jyldary jeńildetilgen lızıngtik qarjylandyrý baǵdarlamasy aıasynda óńirlerge 125 elektrobýs jetkizildi.

Byltyr Kazinform tilshisi «elektromobılder adam densaýlyǵyna qaýipti me?» degen suraqqa saraptama jasady. 

Sonymen qatar, elektromobılderdi qýattaıtyn stantsııalar iri kólik dálizderi boıynda ornatylatyny málim boldy.