Qazaqstanda elektromobılderge suranys bar ma
ASTANA. QazAqparat - Qazaqstannyń avtokólik kásiporyndarynyń odaǵy elektromobılder naryǵyn damytýǵa qatysty óz ustanymyn bildirdi, dep xabarlaıdy QazAqparat tilshisi.
Odaq basshysy Oleg Alferovtiń aıtýynsha, ázirshe osy sanattaǵy kólikterge suranys tym az. Máselen, sońǵy alty aıdyń ishinde Qazaqstanda tek 34 elektromobıl ǵana satyldy. Ondaı kólikterdiń az mólsherde satylyp jatqanyna birneshe sebep bar. Negizgi másele - qýat kózderi. Al arzan qýat kózderin áli oılap tappaǵan. Akkýmýlıator battareıalary da arzan emes. Oǵan qosa, elektromobılderge arnalǵan batareıalar óz jerimizde jasalmaıdy. Sol sebepti osy sanattaǵy kólikter qymbat.
«Qazaqstan úshin gıbrıdti kólikterdi shyǵarǵan tıimdi. Máselen, «benzın+elektr qýaty» jáne «benzın+gaz». Qazaqstanda gaz kóp. Sondyqtan gazben júretin kólikterdi arttyrýǵa ábden bolady. Oǵan qosa, otandyq kásiporyndar bir ýaqytta benzınmen de, gazben de júretin modelderdi usyna alady. Ondaı kóliktermen júrgen arzan ári tıimdi», - dedi O.Alferov Astanada ótken baspasóz máslıxatynda.
Aıta keteıik, odaq basshysy memlekettik organdardyń sheteldik kólikterdi satyp alýǵa qatysty naqty statıstıkany jarııalady. Oǵan sáıkes, ótken jyly birinshi jartyjyldyqta 375 sheteldik kólik satyp alynǵan bolatyn. Sonyń bárine 4 mlrd teńge jumsaldy. Bıyl alty aıda memlekettik organdarǵa tek 92 kólik qana shetelden jetkizildi. Oǵan 677 mln teńge ketti. Budan bólek, ol jyl basynan beri satyp alynǵan eń qymbat qyzmettik kóliktiń baǵasyn jarııalady.
