Qazaqstanda elektromobılderge aıtarlyqtaı suranys joq
ALMATY. QazAqparat - Qazaqstanda elektromobılderdiń baǵasy qymbat bolǵandyqtan, aıtarlyqtaı suranys joq, dedi «QazAvtoProm» Qazaqstan avtomobıl salasy kásiporyndarynyń odaǵy basqarma basshysy Oleg Alferov, dep habarlaıdy QazAqparat.
«Qazir naryqtaǵy jaǵdaıǵa jáne qymbat bolýyna baılanysty kóliktiń bul túrine aıtarlyqtaı suranys joq. Oǵan atalǵan kólik túrine ınfrastrýktýranyń joqtyǵy da sebep emes, sebebi ony turmystyq elektr qýatymen de qýattaýǵa bolady. Oǵan degen suranystyń kemýine negizinen óte joǵary baǵada satylýy sebep bolyp otyr», dedi «QazAvtoProm» Qazaqstan avtomobıl salasy kásiporyndarynyń odaǵy basqarma basshysy Oleg Alferov.
Onyń aıtýynsha, bul segmentti eger memleket kólikti alǵandarǵa sýbsıdııa bergen jaǵdaıda ǵana damytýǵa bolady. - Biraq, - deıdi ol, Qazaqstannyń qazirgi jaǵdaıynda ol múmkin emes.
«2020 jylǵa qaraı ındýstrıaldy-ınnovatsııalyq damý baǵdarlamasynda Qazaqstan naryǵynda jańa kólikter sanyn 300 myńǵa jetkizý kózdelgen. Alaıda, bul jospar ýaqyty keıinge shegerildi», - dedi ol.
Odaq tóraǵasynyń málimetterine súıensek, Qazaqstanda 11 aıda 10 125 avtokólik shyǵaryldy. Bul 2015 jylǵy sáıkes kezeńmen salystyrǵanda 22 paıyzǵa tómen.
2016 jyldyń 11 aıynda resmı dıllerler 38,8 myń jeńil kólik ákelgen. Bul byltyrǵy jyldyń sáıkes kezeńimen salystyrǵanda 56 paıyzǵa tómen. Byltyr bul ýaqyt aralyǵynda 88,4 myń kólik jetkizilgen.
