Qazaqstanda elektromobılderdi qýattaý úshin jol boıynda stantsııalar ornatylady
Bul týraly Májiliste tıisti zań jobasyn tanystyrý kezinde Indýstrııa jáne ınfraqurylymdyq damý vıtse-mınıstri Amanııaz Erjanov aıtty, dep habarlaıdy QazAqparat tilshisi.
«Osynda tıisti normatıvtik-quqyqtyq aktiler qarastyrylǵan. Bul turǵyda avtomobıl joldaryn salý kezinde elektromobılderdi qýattaý boıynsha stantsııalardy ornatý eskerilgen. Sondyqtan osy normalar bul zań jobasynda qarastyrylyp otyr», - dedi A. Erjanov depýtattar suraǵyna jaýap bere otyryp.
Sonymen qatar ol alǵashqy stantsııalar Nur-Sultan men Almatyda ornatylyp jatqanyn aıtty. Elorda men Býrabaı aralyǵyndaǵy avtojolda tıisti qurylǵylar qoıylady.
Budan buryn habarlanǵandaı, búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly» zań jobasy tanystyryldy. https://kaz.inform.kz/news/kasiporyndarda-energiya-unemdeu-boyynsha-zhauapty-adamdar-bolady-zan-zhobasy_a3765074
Qujat aıasynda iri kásiporyndarda energııa únemdeý máseleleri boıynsha jaýapty adamdardy engizý usynylady, olar energııa menedjerleriniń rólin atqarmaq.
